صائم بلتستانی کی غزل

غزل

مــــــری گــوشہ نشینی کا سبب معلوم کر پہلے

تجھے حق ہے مرے بارے میں سب معلوم کر پہلے

اگر تجھ کو مــــــــری حالت کا اندازہ لگانا ہے

تو میرے غمزدہ چہرے کی چھب معلوم کر پہلے

وفــــا کی راہ میں مجھ کو اکیلا چھوڑجانا ہے

تو لوگوں سے دغابازوں کا ڈھب معلوم کر پہلے

گئے میدان میں عـــــباس تو ڈر کر شقی بولے

ارے یہ کون ہے ؟ اس کا نسب معلوم کر پہلے

بتا دینا یہ ساقی کو مرے نزدیک مت آنا

پلانا ہے تو ہونٹوں کی طلب معلوم کر پہــلے

صائم بلتستانی